World information

وائٹومو گلو ورم غاریں، نیوزی لینڈ  (Waitomo Glowworm Caves, New Zealand) نیوزی لینڈ میں واقع یہ زیرِ زمین غاریں دنیا بھر میں اپنے نامیاتی نیلی اور سبزی مائل روشنی کے لیے مشہور ہیں جو کسی فینٹسی فلم کا منظر پیش کرتی ہیں۔ نیلی روشنی کا راز: ان غاروں کی چھتوں پر ہزاروں کی تعداد میں گلو ورمز یعنی چمکنے والے کیڑے پائے جاتے ہیں۔ یہ خاص کیڑے بائیو لومینیسینس کے ذریعے اپنے جسم سے قدرتی روشنی خارج کرتے ہیں۔ ستاروں بھرا آسمان: جب سیاح غاروں کے اندر سے گزرتی ندی پر کشتی میں سفر کرتے ہیں تو غار کی اندھیری چھت بالکل رات کے وقت کھلے آسمان پر چمکتے ہوئے ہزاروں ستاروں جیسی دکھائی دیتی ہے۔ شکار کا طریقہ: یہ کیڑے روشنی کے ذریعے چھوٹے حشرات کو اپنی طرف راغب کرتے ہیں اور لٹکتے ہوئے باریک ریشمی دھاگوں کی مدد سے ان کا شکار کرتے ہیں۔

فلائی گائزر، نیواڈا (Fly Geyser, Nevada, USA) یہ امریکہ کی ریاست نیواڈا میں واقع ایک انتہائی رنگین اور عجیب و غریب قدرتی فوارہ  (Geyser)  ہے، جو انسان اور قدرت کے ملاپ سے وجود میں آیا۔ کیسے بنا؟ 1964ء میں یہاں زیرِ زمین پانی کے لیے کنواں کھودا جا رہا تھا۔ کام مکمل ہونے کے بعد اسے صحیح طرح سے بند نہیں کیا گیا، جس کی وجہ سے گرم پانی اور زیرِ زمین معدنیات  (Minerals)  مسلسل باہر نکلنے لگے۔ رنگ برنگی ساخت: دہائیوں تک معدنیات کے جمع ہونے سے یہاں چھوٹے چھوٹے رنگین پہاڑ بن گئے۔ ان کے مختلف رنگ (سرخ، سبز، پیلا، نارنجی) دراصل ان چٹانوں پر اگنے والی خاص قسم کی جلبک  (Thermophilic Algae)  کی وجہ سے ہیں جو گرم پانی میں پرورش پاتی ہیں۔ پانی کا فوارہ: اس میں سے مسلسل گرم پانی ہوا میں چھٹتا رہتا ہے اور یہ منظر دیکھنے میں بالکل کسی سائنسی فلم  (Sci-Fi Film)  کے سیٹ جیسا لگتا

جنوبی امریکا کے ملک پیرو میں واقع ایمیزون کے گھنے جنگلات کے قلب میں ایک ایسا لرزہ خیز اور پراسرار دریا بہتا ہے جس کا پانی چوبیس گھنٹے چائے کے پانی کی طرح ابلتا رہتا ہے۔ مقامی طور پر "شانائے تہمپیشکا" کے نام سے مشہور اس ساڑھے چھ کلومیٹر طویل دریا کا درجہ حرارت چوبیس گھنٹے 95 ڈگری سیلسیس تک پہنچ جاتا ہے، جس کی وجہ سے اس سے مسلسل خوفناک بھاپ اٹھتی رہتی ہے۔ اس کھولتے ہوئے پانی کی بے رحم موجوں میں اگر کوئی معصوم جانور یا پرندہ غلطی سے بھی گر جائے تو وہ سیکنڈوں میں زندہ ابل کر تڑپ تڑپ کر دم توڑ دیتا ہے۔ سائنسی دنیا کے لیے یہ دریا آج بھی ایک سلجھا ہوا معمہ ہے، کیونکہ عام طور پر اتنے گرم قدرتی چشمے یا دریا کسی فعال آتش فشاں کے قریب پائے جاتے ہیں، جبکہ یہ پراسرار دریا کسی بھی فعال آتش فشاں سے تقریباً 700 کلومیٹر دور واقع ہے۔ ماہرینِ ارضیات کا خیال ہے کہ زمین کی گہرائیوں سے آنے والا شدید گرم پانی چٹانوں کی فالٹ لائنز اور دراڑوں سے ابل کر اس دریا میں شامل ہوتا ہے، جو اسے دنیا کا خطرناک ترین اور انوکھا دریا بناتا ہے

مصر کا چمکتا ہوا صحرا  (White Desert, Egypt)    جو عام ریتلے صحراؤں سے بالکل مختلف ہے۔ چاند جیسی زمین: اس صحرا کی سطح چونا پتھر اور چونا مٹی سے بنی ہے، جس کی وجہ سے یہ دور سے برف سے ڈھکا ہوا یا کسی دوسرے سیارے کی سطح جیسا نظر آتا ہے۔ قدرتی مجسمے: ہزاروں سالوں کی تیز ہواؤں اور ریت کے طوفانوں نے ان چٹانوں کو قدرتی طور پر تراش کر عجیب و غریب شکلیں دے دی ہیں—کچھ چٹانیں جائنٹ مشروم، تو کچھ مرغی یا عجیب و غریب مجسموں کی طرح دکھائی دیتی ہیں۔ رات کا منظر: چاندنی رات میں جب چاند کی روشنی ان سفید چٹانوں پر پڑتی ہے تو پورا صحرا چاندی کی طرح چمکنے لگتا ہے۔

ڈیولس کیٹل، منیسوٹا (Devil's Kettle Falls, USA) یہ امریکہ کی ریاست منیسوٹا کے ’جج سی آر میگنی اسٹیٹ پارک‘ میں واقع ایک انتہائی پراسرار آبشار ہے۔ پراسرار گڑھا: یہاں برول ندی کا پانی بہتے ہوئے ایک چٹان سے دو حصوں میں تقسیم ہو جاتا ہے۔ مشرقی حصہ عام آبشار کی طرح ندی میں جا گرتا ہے، جبکہ مغربی حصہ ایک گہرے چٹانی گڑھے میں گر کر مکمل طور پر غائب ہو جاتا ہے۔ سائنس دانوں کی حیرت: دہائیوں تک ماہرینِ ارضیات اس بات پر حیران رہے کہ گڑھے میں گرنے والا پانی آخر جاتا کہاں ہے۔ سائنس دانوں نے اس راز کو سمجھنے کے لیے پانی میں ڈائی (رنگ)، پنگ پونگ کی گیندیں اور دیگر اشیاء ڈالیں تا کہ دیکھا جا سکے کہ یہ پانی جھیل میں کہاں سے نکلتا ہے، لیکن کوئی بھی چیز باہر نہ آئی۔ جدید سائنسی انکشاف: چند سال قبل سائنسی تحقیاق اور پانی کے بہاؤ کے حجم سے معلوم ہوا کہ یہ پانی زمین کے اندر ہی کسی پیچیدہ نظام کے ذریعے دوبارہ آبشار کے ٹھیک نیچے ندی کے مرکزی بہاؤ میں شامل ہو جاتا ہے، لیکن اس کا زیرِ زمین راستہ آج بھی ایک خوبصورت قدرتی پزل ہے۔

سوکوترا جزیرہ  یہ جزیرہ بحر ہند میں یمن کے ساحل سے تقریباً 380 کلومیٹر دور واقع ہے۔ کروڑوں سالوں تک بقیہ دنیا سے بالکل الگ تھلگ رہنے کی وجہ سے یہاں کا ایکو سسٹم اور ماحول دنیا کے کسی بھی دوسرے حصے سے مختلف ہے۔منفرد نباتات: سوکوترا پر پائی جانے والی پودوں اور درختوں کی تقریباً 37 فیصد اقسام دنیا میں اور کہیں نہیں پائیں جاتیں۔ اسی منفرد جغرافیے کی بنا پر اسے یونیسکو کی عالمی ثقافتی ورثہ فہرست میں شامل کیا گیا ہے ڈریگن بلڈ ٹری :اس درخت کا سائنسی نام  Dracaena cinnabari  ہے اور یہ سوکوترا جزیرے کی سب سے بڑی پہچان ہے۔ چھتری نما بناوٹ: اس کے اوپر شاخیں اور پتے ایک الٹی چھتری یا مشروم کی طرح پھیلے ہوتے ہیں۔ یہ ساخت درخت کو شدید گرمی اور خشک موسم میں اپنی جڑوں کے گرد سائبان بنا کر نمی برقرار رکھنے میں مدد دیتی ہے۔ سرخ گوند : جب اس درخت کے تنے یا شاخوں پر کٹ لگایا جاتا ہے تو اس میں سے گاڑھا سرخ رنگ کا گوند نکلتا ہے، جسے قدیم زمانے میں "اژدہا کا خون" کہا جاتا تھا۔ تاریخی اور طبی استعمال: قدیم دور میں رومن اور یونانی لوگ اسے زخموں کے علاج، درد کش ادویات اور بخار دور کرنے کے لیے استع...